Dingal Poems poems Wishes And Messages, Dingal Poems poems WhatsApp Picture Sticker

शमरण करणी शोध , आम्बदान देवल

अर्जी सामर्थ ईशरी ,
विशरी किम वरदाय ।
पात पुकार पधारणी ,
आरत शांभल आय ।
किरपाल दयालु दीन विनती  साय सुधमन  सारिये ।
कर कोड किरत सहाय सेवक भाव पूरण भाविये ।
उर आद  शक्ति  साद शांभल रीत राजस राखणी।
कर कोड किरपा भाव पूरण साद करणी  शारणी (1)
परमं प्रभाती गवाय करणी करूण किरपा सारजो ।
आधार सेवक लाज कारज जहाज जग उबारजो ।
भर भाव पूजा लाव शगती सार सुर घन शाधणी ।
कर कोड किरपा भाव पूरण साद करणी शारणी ।(2)
लाज कारज साद शांभल मूलतान शैखो लाविया ।
ऊण वखत संवली होय शकती आकश पंथ आविया ।
कर दान कन्या मान राखण परमं परचा पावणी ।
कर कोड किरपा भाव पूरण साद करणी शारणी ।(3)
सिंध प्रांते ऊठ भाग चोथै  सहाय पल मा शाविया ।
काठ तणो पग जोड़ आइ लाव घर पर लाविया ।
ऊर अंजस धाई आद भगती पार पारण पारणी ।
कर कोड किरपा भाव पूरण साद करणी शारणी ।(4)
अध बीच तुटी डोर कुए अणदै सतआरत आवणी ।
दंभी रूप धार शगती जोड़ जुगती तो पार  पारणी ।
उदा रणी  सब काज सेवक धर धीर बंधन धारणी ।
कर कोड किरपा भाव पूरण साद करणी शारणी ।(5)
कार लोपी कान कुमती भान भर कर भद भाखियो
चित चोज पूरण कार खींचे  साख राखण सज साखियो ।
हंण हेक हाथल सिंह शगती कटार केहर काटणी ।
कर कोड किरपा भाव पूरण साद करणी शारणी ।(6)
सत सार परचा पार नांही अपार वरदान आपिया ।
सुर काज शारण लाज कारण ध्यान धीरज धारिया ।
शुण पुकार शकती जोड़ जुगती पार पारख पारणी ।
कर कोड किरपा भाव पूरण साद करणी शारणी ।(7)
अपार परचा  आप जननी शरग दैशाण थिर थापियो ।
जम राज जोड़े हाथ करणी  लाय लाखण मन माफियो ।
दोय जोणी दाख करणी वीठू मूषक वर वाचणी ।
कर कोड किरपा भाव पूरण साद करणी शारणी ।(8)
अष्ट सिद्धी नव निधि अजंस आई अरपण आपजो ।
हरो संकट हमेश मेरा सहाय सेवक सुख सांपजो ।
अम्ब अरज पूरण उदार मइया साय सिधि आवणी ।
कर कोड किरपा भाव पूरण साद करणी शारणी ।(9)
नव लाख चरित्र आद अम्बा पहचाण पुजण पारता ।
अविनाश वाशे अक्षय अविचल वाच वाणी वारता ।
आधार नवधा नाथ आइ साख परक्ष्यात शाखणी ।
कर कोड किरपा भाव पूरण साद करणी शारणी ।(10)
करणी होय किरपाल साद सेवक शारणी ।
करणी होय किरपाल सेवक संकट टालणी।
करणी होय किरिपाल सदा विकट डारणी ।
करणी होय किरपाल सदा सुख संचारणी ।Read Details

शमरण करणी शोध , आम्बदान देवल

संवत वीशौ चौतरौ , 
 बुध शुद सातम बोध ।
आसोज पक्ष ऊजलौ , 
शमरण करणी शोध ।(1)

चहूदे सौ चमालीशै ,  
  सातम शूकरवार ।
आसौज पक्ष ऊज्वलै,
इल करणी अवतार ।(2)

भार हटावण भोमरौ ,  
शर्ष्टि दुष्ट संघार ।
आई ईला आविया ,
करणी रुप किरतार ।(3)

काने ऊपाइ कुमती ,
शकल सामो संवाद ।
हेकी हाथल हंणयो , 
करणी कट कुसमाद ।(4)

वाद विडारण वाफती , 
आखती उर आणद ।
तारणी जगत तैजसां , 
विडार वाद विवाद ।(5)

अम्ब ऊबारण अम्बका , 
पैखूं तो प्रणाम ।
करणी करणी करनला ,
 हरखै पूरण हाम ।(6)

आम्बदान देवल
9166910677Read Details

सुख सपंत साजी सला , मधुकरिया महमाय

सुख सपंत साजी सला ,
भवा भला शुभ भाल ।
विघन टाल माँ वीसहथ ,
शुध बुध पुत्र संभाल ।(1)

कवी समेलण करांणै ,
जांगलु थांणै जाय ।
दिन उगांणै देशांण सु ,
अब जेसांणै आय ।(2)

आज मोड़ो समरां अवस ,
सफरां कारण सोय ।
माफ करो माँ मधुकरा ,
तिरां नाम जस तोय ।(3)

काल रात्री पुजा करत ,
नव रात्री शिर नाय ।
मात्री जगत मधुकरा ,
सतम वृस्पति साय ।(4)

मात मनांणी मधुकरा ,
किनियांणी करनल्ल ।
भाव भरांणी भगवती ,
गढवी तांणी गल्ल ।(5)Read Details

सातमा नोरते हे आई कामई - Maa Karni Prayer

सातमा नोरते हे आई कामई, 
मां सतनी ज्योति झळहळती; 
किरण हिणी नजर्यु करे कोई,
आई अगन ज्वाळे बळबळती..1

राजा वाजा जे'दि मुकी मरजाद,
चारणी कागल नागल कोपीयुं ;
कागडी रुप त्रुठी चाटका सधु ,
किरण तळाजा मथ्थे त्राटकीयुं..2

सतकर्म करती मां चारणी,
किरण वानुमां जीवां आई ;
देरडी माथे कपरा दुकाळे,
वाव चणावे आई जानबाई..3

*********

  🙏  जय माताजी  🙏
 किरणदान शंकरदान गढवी, (वरसडा), रामोदडी - गुजरात.Read Details

देसाणा धणियाप - Maa Karni Prayer

आसोजां में अवतरया,सगती गांव सुवाप।
मोटा करनल मावडी,देसाणा धणियाप।।1।।

म्हारी मोटी मावडी,आई करनल आप।
सगती करजै सायता,देसाणा धणियाप।।2।।

 सिवरुं निस दिन सारदा,जपूं मात रा जाप।
मेटै दुखड़ा मावडी,देसाणा धनियाप।।3।।

अजय करै आराधना,आई सुणजै आप।
भरो भण्डार भगवती,देसाणा धणियाप।।4।।

बरस डेढ़ सो मावडी,रया धरा पर आप।
दुस्ट दलण नै डोकरी,देसाणा धणियाप।।5।।

अणदे करी आराधना,जपियो करनल जाप।
सगती करजै सायता,देसाणा धणियाप।।6।।

 कानां पड़तां डोकरी,आई दौड़ी आप।
दुम्भी रूप धर मावडी,देसाणा धणियाप।।7।।

लाखी ताणै लोवड़ी,टालै सगळा ताप।
भगतां रा माँ भगवती, देसाणा धणियाप।।8।।

 दाळद मेटै डोकरी,धनड़ो देवै धाप।
सिंवरयां श्रद्धा भाव सूं,देसाणा धणियाप।।9।।

 ओळी बेलां अम्बिका,आवौ बेगा आप।
साय करण नै सेवगां, देसाणा धणियाप।।10।।

 अजेय सेवग आपरौ,कमधज कांधल खांप।
चरणां करतो चाकरी,देसाणा धणियाप।।11।।

            @अजयसिंह राठौड़Read Details

धार हेत करनल धणी , मधुकरिया महमाय

परम हरस दिन पांचमै ,
सरस नवरतो सोय ।
अवस भलो दिन ऊगियो ,
जस करनल जप जोय ।(1)

शुध सार पंचम संगा ,
सोमवार सरसाय ।
धार हेत करनल धणी ,
मधुकरिया महमाय ।(2)

परघट थाता पांचवै ,
स्कंद माता आद ।
मही मनाता मधुकरा ,
सुणता करनल साद ।(3)

कय कवि समिलन मधुकरा ,
रय माँ तज गय रीस ।
लय शरण जा लोवड़ी ,
पय तारीक पचीस ।(4)

दरशन जन देशांन में ,
थिर परशन मन थात ।
महा समेलन मधुकरा ,
मिलन करनला मात ।(5)Read Details

सगती करै सहाय - Maa Karni Prayer

🙏🏻🌹सगती करै सहाय🌹🙏🏻
*********

            @अजयसिंह राठौड़

सुरसत सिंवरुं सारदा,गणपति नै मनाय।
सबसूं पैलां सिंवरयां ,सगती करै सहाय।।1।।

 अबखी बेलां अम्बिका,आई बेगा आय।
अजय करै आराधना,सगती करो सहाय।।2।।

आई बेगा आवज्यो, मोटी करनल माय।
बीच भंवर में नावड़ी,सगती करो सहाय।।3।।

 बैठी मोटी मावडी,मढ़ देसाणा माय।
भगतां री माँ भगवती, सगती करै सहाय।।4।।

 उर नै करै माँ ऊजलो,तम् नै देय मिटाय।
सेवग री माँ सारदा,सगती करै सहाय।।5।।

भव तारै माँ भगवती,पल में पार लगाय।
सिंवरयां श्रद्धा भाव सूं, सगती करै सहाय।।6।।

दौड़ी आवै मावडी,भगत जब भी बुलाय।
लाखी ताणै लोवड़ी, सगती करै सहाय।।7।।

सगती बणनै सांवली, लायी सेखो जाय।
साचा मन सूं सिंवरयां,सगती करै सहाय।।8।।

भगती रख मन भावना, जगमग जोत जगाय।
नित नेम करै नोरता,सगती करै सहाय।।9।।

 मढ़ में बैठी मावडी,मन्द मन्द मुसकाय।
किरपा राख़ै डोकरी,सगती करै सहाय।।10।।

चरणां करतो चाकरी,नम तो सीस नवाय।
आय उबारो अम्बिका,सगती करो सहाय।।11।।

 सुध बुध देवै सारदा,मन मन्दिर महकाय।
चित में करदे चानणो,सगती करै सहाय।।12।।

 दुखड़ा मेटो डोकरी,आई करो उपाय।
माया देवौ मोकळी,सगती करो सहाय।।13।।

 लाखी ताणी लोवड़ी, आई लियौ बचाय।
सेखा री कर सायता,सगती करी सहाय।।14।।

आखर दे माँ ऊजला, दुवा देवौ बणाय।
साहित नव सिरजण करूं, सगती करो सहाय।।15।।

कानों मरियो कोप सूं, रिड़मल राज थपाय।
बेजां तूठी मावडी,सगती करी सहाय।।16।।

कांधल जोधा कावनी, डेरा दिया ढबाय।
देसाणा री डोकरी,सगती करी सहाय।।17।।

जोधाणा माँ जायनै, हाथां नींव लगाय।
मोटी करनल मावडी,सगती करी सहाय।।18।।

आई थारै आसरै, कांधल बीको आय।
नुवो राज थपावणो, सगती करो सहाय।।19।।

राज भतीजे थरपणो,जांगल धरा ढबाय।
कांधल कैवै डोकरी,सगती करो सहाय।।20।।

मांडू आखर मोकला, गुण माँ थारा गाय।
अजय उपासक आपरौ,सगती करो सहाय।।21।।

🙏🏻🌹अजय राठौड़ सिकरोडी🌹🙏🏻Read Details